Gehma Gehmi Kesi hai

  onlinelifedreams>worldwide>Urdu poetry's>shayari.       Gehma Gehmi Kesi hai

               

                              Poet: Shams 

Gehma Gehmi Kesi Hai Yeh, Shor-O-Ghul Yeh Kesa Hai
Woh Bhi Ek Insaan Hai Aakhir, Woh Bhi Apne Jesa Hai

Us Mein Kya Hein Ratan Koi, Yaa Chaandi Sone Jesa Hai
Mitti Ka Putla Hai Woh Bhi, Jese Sab Hein Wesa Hai

Kitni Aao-Bhagat Hai Us Ki, Kitni Khaatirdaari Hai
Baat Faqat Itni Hai, Uske Paas Ziyaadah Paisa Hai

Jese Too Ne Beej Hein Boye, Wesi Aakhir Fasal Ugaygi
Dost Yahi Hai Talkh Haqeeqat Ki Jese Ko Tesa Hai

Bheed Ki Koi Qadr Nahin, Hai Bheed Lagane Waalo'n Ki
Shams Yeh Baat Hai Bilkul Sachchi, Ab Hota Hi Aisa Hai

Read More

Baat bass se nikal chali hai..

  onlinelifedreams>worldwide>Urdu poetry's>Ghazal.       Baat bass se nikal chali hai..

                    Ghazal 

Baat bass se nikal chali hai
Dil ki haalat sambhal chali hai

Ab junoon hadh se barrh chala hai
Ab tabiyat behal challi hai

Ashk khunaab ho chale hain
Gham ki rangat badal chalii hai

Yaa yunhi bujh rahi hain shaamen
Yaa shab-e-hijr ttal chali hai

Laakh paighaam ho gaye hain
Jab sabaa ek pal chalii hai

Jaao ab so raho sitaaro
Dard ki raat dhhall chali hai..

Read More

Aap ki yaad aati rahi raat bhar

        onlinelifedreams>worldwide>Urdu poetry's>Ghazal.    

Aap ki yaad aati rahi raat bhar

                        Ghazal 

Aap ki yaad aati rahi raat bhar
Chaandni dil dukhaati rahi raat bhar

Gaah jalti huyi gaah bujhtii huyi
Sham-e-gham jhilmilaati rahi raat bhar

Koii khushbuu badalti rahi pairahann
Koii tasvieer gaati rahi raat bhar

Phir sabaa saaya-e-shaakh-e-gul ke tale
Koii qissa sunaati rahi raat bhar

Jo na aya usse koi zanjeer-e-dar
Har sadaa pr bulaati rahi raat bhar

Ek umeed se dil behelta raha
Ik tamanna sataati rahi raat bhar..

Read More