Qismat Se Bhi Kuch Siwaa Dia Hai

Qismat Se Bhi Kuch Siwaa Dia Hai

                       Poet: Parveen Shakir

Qismat Se Bhi Kuch Siwaa Dia Hai ?
Baarish Ne Hamain Mila Dia Hai

Dekhi Hai Meri Udasi Os Ne
Aur Dekh Ke Muskura Diya Hai

Ab Toh Mujhe Sabar Aa Gaya Tha
Ye Kis Ne Mujhe Rula Diya Hai ?

Wo Chaahay Tou Raasta Badal Le
Mein Ne Tou Dia Jala Dia Hai

Os Ronaq-e-Bazm Ne Tu Meri
Tanhai Ko Suja Diya Hai

Wo Pal Ke Sulah Utha Hai Malboos
Aur Os Ne Diya Bujha Diya Hai

Read More

Kya Baat Hai Jis Ka Gham

Kya Baat Hai Jis Ka Gham Bohat Hai

                     Poet: Parveen Shakir

Kya Baat Hai Jis Ka Gham Bohat Hai ?
Kuch Din Se Yeh Aankh Nam Bohat Hai

Mil Leta Hai Guftugu Ki Had Tak
Itna Hee Tera Karam Bohat Hai

Ghar Aap Hi Jagmaga Uthe Ga
Dehleez Pe Ik Qadam Bohat Hai

Mil Jaye Agar Teri Rafaqat
Mujh Ko Tou Yehi Janam Bohat Hai

Kya Shab Se Humein Sawaal Karna ?
Hona Tera Subha Dam Bohat Hai

Kyon Bujhne Lage Chiraagh Mere ?
Ab Ke To Hawa Bhi Kam Bohat Hai

Chup Kyon Tujhe Lag Gayi Hai Parveen ?
Sunte They Ke Tujh Mein Ram Bohat Hai

Read More

Woh To Khushboo Hai

Woh To Khushboo Hai, Hawaon Main Bikhar Jayega

                         Poet: Parveen Shakir

Woh To Khushboo Hai, Hawaon Main Bikhar Jayega
Masala To Phool Ka Hai Phool Kidhar Jayega

Hum Tou Samjhe The Ke Ik Zakhm Hai Bhar Jaae Ga
Kya Khabar The Keh Rag E Jaan Main Utar Jaae Ga

Woh Hawaon Ki Tarah Khana E Bajaan Phirta Hai
Ik Jhonka Hay Jo Aye Ga, Guzar Jaae Ga

Woh Jab Aye Ga To Phir Uski Rafaqat Ke Liye
Mousam E Gul Mere Angan Main Theher Jaae Ga

Aakhrish Woh Bhi Kahin Rait Pe Bethe Honge
Tera Yeh Pyar Bhi Dariya Hain Utar Jayega

Mujhko Tehzeeb Ke Barzakh Ka Bana Diya ali
Jurm Yeh Bhi Mere Ajdaad Ke Sar Jaae Ga

Read More