Ab jo koi pooche bhi to us se kya
Faiz Ahmad Faiz
Ab jo koi pooche bhi to us se kya sharaah-e-halaat kahen
dil thehre to dard sunaayen dard thamme to baat karen
shaam hui phir josh-e-qadah ne bazm-e-harifaan roshan ki
ghar ko aag lagaayen ham bhi roshan apni raat kahen
qatl-e-dil-o-jaan apne sar hai apna lahuu apni gardan par
mohr-ba-lab bethe hain kis ka shikva kis ke saath karen
hijr main shab bhar dard-o-talab ke chaand sitaare saath rahe
subh ki viraani me yaaro kaise basar aukaat karen..
