Sach Hai Hamee.n Ko Aap

Sach Hai Hamee.n Ko Aap

                     Faiz Ahmad Faiz

Sach Hai Hamee.n Ko Aap Ke Shikway Bajaa Na Thay
Be-Shak Sitam Janaab Ke Sab Dostaana Thay

Haan Jo Jafaa Bhi Aap Ne Ki, Qaa
Haan Ham Hee Kaar Band-e-Asool-e-Wafa Na Thay

Aaye Tou Yun Ke Jaisay Hamesha Thay Meherbaan
Bhoolay Tou Yun Ke Goya Kabhi Aashna Na Thay

Kyun Daad-e-Gham Ham Ne Talab Ki, Buraa Kiya
Ham Se JahaaN Mein Kushta-e-Gham Aur Kya Na Thay

Gar Fikr-e-zaKhm Ki Tou Khataavaar Hain Ke Ham
Kyun Mahv-e-Madh-e-Khuubi-e-Teg-e-Adaa Na Thay

Har Chaarahgar Ko Chaarahgari Se Guraiz Tha
Warna Hamain Jo Dukh Thay, Bohat La-Dawaa Na Thay

Lab Per Hai Talkhi-e-Mey-e-Ayaam, Warna “Faiz”
Ham Talkhi-e-Kalaam Pe Maail Zaraa Na Thay

Read More

Dono jahaan teri mohabbat

Dono jahaan teri mohabbat main haar ke..

                  Faiz Ahmad Faiz

Dono jahaan teri mohabbat main haar ke
Woh jaa raha hai koi shab-e-gham guzaar ke

Veeran hai mai-kada khoom o saaghar udaas hain
Tum kya gayee ke rooth gaye din bahaar ke

Ik fursat-e-gunaah mili woh bhi chaar din
Dekhe hain ham ne hausle parvardigaar ke

duniya ne teri yaad se begaana kar diya
Tujh se bhi dil-faraib hain gham rozgaar ke

Bhoole se muskuraa to diye they woh aaj “faiz”
Mat pooch valvale dil-e-naa-kardaa-kaar ke..

Read More

Urdu Poetry Faiz Ahmad Faiz

Faiz Ahmad Faiz

Faiz Ahmad Faiz was an influential intellectual and a revolutionary poet. His poetry has been translated in to several languages including English and Russian.
Faiz Ahmed Faiz also appeared in some tv shows. He published eight books and all of them were sold in huge numbers. Faiz Ahmad Faiz also worked for British Indian Army but later submitted his resignation in 1947. He died in 1984, but still remains in the hearts of literature admirers.

Poetry's Collection:-

Dono jahaan teri mohabbat

Sach Hai Hamee.n Ko Aap

Mitt jaye gi makhlooq to 

Kahan tak suney gi raat kahan

Yeh ajab qayamaten hain

Marne ke baad bhi meri

Dil na’umeed to naheen

Ab jo koi pooche bhi to us se kya 

Dastoor-e-sitam me kya kya baab 

Gham na kar, Gham na kar..

Aap ki yaad aati rahi raat     

Gulon mei rang bhare

Baat bass se nikal chali hai

Read More