Jo Shakhs Bhi Apna

Jo Shakhs Bhi Apna Qad-o-Qaamat Nahi Rakhta

                     Poet: Mohsin Naqvi

Jo Shakhs Bhi Apna Qad-o-Qaamat Nahi Rakhta
Woh Shehr K Aaeeny Salaamat Nahi Rakhta

Mujh Sy Yeh Shikayat Hai Miry Charagaron Ko
Main Zakhm Chhupany Ko Alaamat Nahi Rakhta

Woh Dost Agar Hai To Mujhy Haosla Bakhshay
Dushman Hai To Kiyun Harf_e_Malaamat Nahi Rakhta?

Yeh Ehd_e_Baghaawat Hai Karo Fikr Saron Ki
Dastaar To Koi Bhe Salaamat Nahi Rakhta

Raas Aa Hi Gaya Tark_e_Ta'aluq Usay Aakhir
Aankhon Mein Woh Pehli Si Nadaamat Nahi Rakhta

Ab Kis Ki Tasalli Ko Ghazal Sochiay Mohsin
Ab Kon Yahan Dill Mein Qayaamat Nahi Rakhta

Read More

Junoon Main, Shauq Ki Gehraiyon Se Darta Raha

Junoon Main, Shauq Ki Gehraiyon Se Darta Raha

                                 Poet: Mohsin Naqvi

Junoon Main, Shauq Ki Gehraiyon Se Darta Raha
Main Apni ZaaT Ki Sachaiyon Se Darta Raha

Mohabton Se Shanasa Huwa Main Jis Din Se
Phir Us K Baad Shanasaiyon Se Darta Raha

Wo Chahta Tha K Tanha Miloon To Baat Kre
Main Kya Krun K Main Tanhaiyon Se Darta Raha

Mein Regzaar Tha Mujh Main Basay Thay Sanaatay
Isi Liye To Main Shehnaiyon Se Darta Raha

Main Apne Baap Ka Yousuf Tha is Liye Mohsin
Sakoon Se, So Na Saka Bhaiyon Se Darta Raha

Read More

Mushkil Shaam Pahaili Raat

Mushkil Shaam Pahaili Raat

                  Poet: Mohsin Naqvi

Dil Ne Tanha Jhaili Raat
Hijr Ki Raat, Sahaili Raat

Din Waale Kab Boojh Sake
Mushkil Shaam Pahaili Raat

Ik Safe Ki Tashreehein
Chand, Chakor,Chanbaili, Raat

Din Apne Har Dard Ka Dost
Is Ki Aik Sahaili Raat

Ik Sunsaan Nagar Har Saans
Ik Weeraan Hawaili Raat

Is Ka Roop Har Kie Dhoop
Meri Sard Hathaili Raat

Is Ki Aankh Se Chalke Shaam
Us Ki Zulf Se Khaili Raat

Mohsin Ke Anjaam Ke Naam
Hijr Ki Naii Nawaili Raat

Read More