Aik Pahar Aur Ghulehri

Aik Pahar Aur Ghulehri (Makhoz Az Aymrsn ) - Bachon Ke Liye

                  Poet: Allama Mohammed Iqbal

Koi Pahar Yeh Kehta Tha Ik Ghulehri Se
Tujhe Ho Sharam To Pani Mein Ja Ke Doob Marey

Zara Si Cheez Hai, Is Par Ghuroor, Kya Kehna
Yeh Aqal Aur Yeh Samajh, Yeh Shaoor, Kya Kehna !

Khuda Ki Shaan Hai Nacheez Cheez Ban Bathain
Jo Be Shaoor Hon Yun Ba-Tameez Ban Bathain

Tri Bisaat Hai Kya Meri Shaan Ke Agay
Zamee Hai Pust Meri Aan Baan Ke Agay

Jo Baat Mujh Mein Hai, Tujh Ko Woh Hai Naseeb Kahan
Bhala Pahar Kahan Janwar Ghareeb Kahan !

Kaha Yeh Sun Ke Ghulehri Ne, Mun Sambhaal Zara
Yeh Kachi Baatein Hain Dil Se Unhein Nikaal Zara

Jo Mein Barri Nahi Teri Terhan To Kya Parwa
Nahi Hai To Bhi To Aakhir Meri Terhan Chhota

Har Aik Cheez Se Peda Khuda Ki Qudrat Hai
Koi Bara, Koi Chhota, Yeh Is Ki Hikmat Hai

Bara Jahan Mein Tujh Ko Bana Diya Is Ne
Mujhe Darakht Pay Charhna Sikha Diya Is Ne

Qadam Uthany Ki Taaqat Nahi Zara Tujh Mein
Nari Barayi Hai, Khoobi Hai Aur Kya Tujh Mein

Jo To Bara Hai To Mujh Sa Hunar Dikha Mujh Ko
Yeh Chalia Hi Zara Toar Kar Dikha Mujh Ko

Nahi Hai Cheez Nikammi Koi Zamane Mein
Koi Bura Nahi Qudrat Ke Karkhanay Meina

Read More

k Mkrha Aur Makhi Makhoz

k Mkrha Aur Makhi Makhoz - Bachon Ke Liye

                   Poet: Allama Mohammed Iqbal

Ik Din Kisi Makhi Se Yeh Kehnay Laga Mkrha
Is Raah Se Hota Hai Guzar Roz Tumahra

Lekin Meri Kutia Ki Nah Jaagi Kabhi Qismat
Bhoolay Se Kabhi Tum Ne Yahan Paon Nah Rakha

Gheiron Se Nah Maliye To Koi Baat Nahi Hai,
Apnon Se Magar Chahiye Yun Khnch Ke Nah Rehna

Aaoo Jo Marey Ghar Mein To Izzat Hai Yeh Meri
Woh Samnay Seerhi Hai Jo Manzoor Ho Aana

Makhi Ne Suni Baat Jo Mkrhe Ki To Boli
Hazrat! Kisi Nadaan Ko Deejiay Ga Yeh Dhoka

Is Jaal Mein Makhi Kabhi Anay Ki Nahi Hai
Jo Aap Ki Seerhi Pay Charha, Phir Nahi Itra

Mkrhe Ne Kaha Wah! Farebi Mujhe Samjhay
Tum Sa Koi Nadaan Zamane Mein Nah Ho Ga

Manzoor Tumhari Mujhe Khatir Thi Wagerna
Kuch Faida Apna To Mra Is Mein Nahi Tha

Oodati Hui Aayi Ho Khuda Jane Kahan Se
Thehro Jo Marey Ghar Mein To Hai Is Mein Bura Kya !

Is Ghar Mein Kayi Tum Ko Dikhaane Ki Hain Cheeze
Bahar Se Nazar Aata Hai Choti Si Yeh Kutia

Latkay Hue Darwazon Pay Bareek Hain Parday
Dewaron Ko Aa_Iinon Se Hai Mein Ne Sajaya

Mehmanon Ke Aaraam Ko Haazir Hain Bichonay
Har Shakhs Ko Saman Yeh Muyassar Nahi Hota

Makhi Ne Kaha Kher, Yeh Sab Theek Hai Lekin
Mein Aap Ke Ghar Aun, Yeh Umeed Nah Rakhna

Un Naram بچھونوں Se Khuda Mujh Ko Bachaaye
So Jaye Koi Un Pay To Phir Uth Nahi Sakta
Mkrhe Ne Kaha Dil Mein Suni Baat Jo Is Ki

,پھانسوں Usay Kis Terhan Yeh Kam Bakht Hai Dana
So Kaam Khoshamad Se Nikaltay Hain Jahan Mein
Dekho Jisay Duniya Mein Khoshamad Ka Hai Bunda

Yeh Soch Ke Makhi Se Kaha Is Ne Barri Bi !
Allah Ne Bakhsha Hai Bara Aap Ko رتبا

Hoti Hai Usay Aap Ki Soorat Se Mohabbat
Ho Jis Ne Kabhi Aik Nazar Aap Ko Dekha

Ankhen Hain Ke Heere Ki Chamakti Hui کنیاں
Sir Aap Ka Allah Ne Kalghi Se Sajaya
Yeh Husn, Yeh Poshak, Yeh Khoobi, Yeh Safai

Phir Is Pay Qayamat Hai Yeh Urrtay Hue Gana
Makhi Ne Suni Jab Yeh Khoshamad To پسیج
Boli Ke Nahi Aap Se Mujh Ko Koi Khatka
Inkaar Ki Aadat Ko Samjhti Hon Bura Mein

Sach Yeh Hai Ke Dil Torna Acha Nahi Hota
Yeh Baat Kahi Aur Udi Apni Jagah Se

Paas Aayi To Mkrhe Ne Uchhal Kar Usay Pakra
Bhooka Tha Kayi Roz Se Ab Haath Jo Aayi

Aaraam Se Ghar Baith Ke Makhi Ko Uraya

Read More

Ik Charagah Hari Bhari Thi Kahin

Ik Charagah Hari Bhari Thi Kahin

                 Poet: Allama Mohammad Iqbal

Ik Charagah Hari Bhari Thi Kahin
Thi Saraapaa Bahhar Jis Ki Zamee

Kya Samaa Is Bahhar Ka Ho Bayan
Har Taraf Saaf Nadyaan Theen Rawan

Thay Anaron Ke Be Shumaar Darakht
Aur Peepal Ke Saya Daar Darakht

Thandhi Thandhi Hawae Aati Theen
Tairon Ki Sadayen Aati Theen

Kisi Nadi Ke Paas Ik Bakri
Chrte Chrte Kahin Se Aa Niklee

Jab Thehr Kar Idhar Idhar Dekha
Paas Ik Gaaye Ko Kharray Paaya

Pehlay Jhuk Kar Usay Salam Kya
Phir Saliqay Se Yun Kalaam Kya

Kyun Barri Bi! Mizaaj Kaisay Hain
Gaaye Boli Ke Kher Achay Hain

Kat Rahi Hai Buri Bhali Apni
Hai Museebat Mein Zindagi Apni

Jaan Par Aa Bani Hai, Kya Kahiye
Apni Qismat Buri Hai, Kya Kahiye

Dekhatii Hon Khuda Ki Shaan Ko Mein
Ro Rahi Hon Baaroon Ki Jaan Ko Mein

Zor Chalta Nahi Ghareebon Ka
Paish Aaya Likha Naseeboon Ka

Aadmi Se Koi Bhala Nah Kere
Is Se Paala Parre, Khuda Nah Kere

Doodh Kam Dun To Barbarataا Hai
Hon Jo Dubli To Beech Khata Hai

Hthkndon Se Ghulam Karta Hai
Kin Fareebon Se Raam Karta Hai

Is Ke Bachon Ko Paalti Hon Mein
Doodh Se Jaan Daalti Hon Mein

Badlay Neki Ke Yeh Buraiee Hai
Mere Allah ! Tri Dahai Hai

Sun Ke Bakri Yeh Maajra Sara,
Boli, Aisa Gilah Nahi Acha

Baat Sachhi Hai Be Maza Lagti
Mein Kahoon Gi Magar Khuda Lagti

Yeh Charagah, Yeh Thandhi Thandhi Howa
Yeh Hari Ghaas Aur Yeh Sayaa

Aisi Khusihyan Hamein Naseeb Kahan
Yeh Kahan, Be Zuba Ghareeb Kahan !

Yeh Mazay Aadmi Ke Dam Se Hain
Lutaf Saaray Isi Ke Dam Se Hain

Is Ke Dam Se Hai Apni Abadi
Qaid Hum Ko Bhali, Ke Azadi !

So Terhan Ka Banon Mein Hai Khatka
Wahn Ki Guzran Se Bachaaye Khuda

Hum Pay Ahsaan Hai Bara Is Ka
Hum Ko Zaiba Nahi Gala Is Ka

Qader Aaraam Ki Agar Samjhoo
Aadmi Ka Kabhi Gilah Nah Karo

Gaaye Sun Kar Yeh Baat Sharmayi
Aadmi Ke Gilaay Se Pachtai

Dil Mein Parakhaa Bhala Bura Is Ne
Aur Kuch Soch Kar Kaha Is Ne

Yun To Choti Hai Zaat Bakri Ki
Dil Ko Lagti Hai Baat Bakri Ki

Read More