shikave ke naam se bemehar Khafaa hotaa hai

shikave ke naam se bemehar Khafaa hotaa hai 

                      Mirza Ghalib 

shikave ke naam se bemehar Khafaa hotaa hai
ye bhii mat kah ke jo kahiye to gilaa hotaa hai

[shikavaa=complaint]

pur huu.N mai.n shikave se yuu.N raag se jaise baajaa
ik zaraa chhe.Diye phir dekhiye kyaa hotaa hai

[pur honaa=to be filled (with)]

go samajhataa nahii.n par husn-talaafii dekho
shikavaa-e-jaur se sar-garm-e-jafaa hotaa hai

[husn-talaafii=beautiful way of forgiveness]
[shikavaa-e-jaur=complaint about torture/oppression]
[sar-garm-e-jafaa=busy in being unfaithful (torture to the lover)]

ishq kii raah me.n hai charKh-e-makaukab kii vo chaal
sust-rau jaise ko_ii aabalaa_paa hotaa hai

[charKh-e-makaukab=star-sudded sky]

[sust-rau=slow speed; aabalaa_paa=one who has blisters on the feet]

kyuu.N na Thahare.n hadaf-e-naavak-e-bedaad ke ham
aap uThaa laate hai.n gar tiir Khataa hotaa hai

[hadaf-e-naavak-e-bedaad=target of (arrow of) oppression/injustice]
[tiir Khataa honaa=misdirected arrow]

Khuub thaa, pahale se hote jo ham apane bad-Khvaah
ke bhalaa chaahate ha.n aur buraa hotaa hai

[bad-Khvaah=ill-wisher]

naalaa jaataa thaa pare arsh se meraa aur ab
lab tak aataa hai, jo aisaa hii rasaa hotaa hai

[naalaa=wailing/cry; pare arsh=beyond the skies][rasaa=reaches]

Read More

saadagii par us kii mar jaane kii hasarat dil me.n hai

saadagii par us kii mar jaane kii hasarat dil me.n hai,

                                Mirza Ghalib 

saadagii par us kii mar jaane kii hasarat dil me.n hai
bas nahii.n chalataa ki phir Khanjar kaf-e-qaatil me.n hai

dekhanaa taqariir kii lazzat ki jo usane kahaa
mai.nne yah jaanaa ki goyaa yah bhii mere dil me.n hai

garache hai kis kis buraa_ii se vale baa ii.n hamaa
zikr meraa mujh se behatar hai ki us mahafil me.n hai

bas hujuum-e-naa umiidii Khaak me.n mil jaayagii
yah jo ik lazzat hamaarii sa_i-e-behaasil me.n hai

ra.nj-e-rah kyo.n khe.nchiye vaamaa.ndagii ko ishq hai
uTh nahii.n sakataa hamaaraa jo qadam ma.nzil me.n hai

jalvaa zaar-e-aatash-e-dozaKh hamaaraa dil sahii
fitanaa-e-shor-e-qayaamat kis kii aab-o-gil me.n hai

hai dil-e-shoriidaa-e-Gaalib tilism-e-pech-o-taab
raham kar apanii tamannaa par ki kis mushkil me.n hai

Read More

kahate ho na de.nge ham dil agar pa.Daa paayaa

kahate ho na de.nge ham dil agar pa.Daa paayaa

                             Mirza Ghalib

kahate ho na de.nge ham dil agar pa.Daa paayaa
dil kahaa.N ki gum kiije hamane mudda_aa paayaa

ishq se tabii_at ne ziist kaa mazaa paayaa
dard kii davaa paa_ii dard-e-bedavaa paayaa

dostadaar-e-dushman hai etimaad-e-dil maaluum
aah be_asar dekhii naalaa naarasaa paayaa

saadagi-o-pur_kaarii beKhudii-o-hoshiyaarii
husn ko taGaaful me.n jura_at aazamaa paayaa

Gunchaa phir lagaa khilane aaj ham ne apanaa dil
Khuu.N kiyaa hu_aa dekhaa gum kiyaa hu_aa paayaa

haal-e-dil nahii.n maaluum lekin is qadar yaanii
ham ne baarahaa Dhu.NDhaa tum ne baarahaa paayaa

shor-e-pand-e-naaseh ne zaKhm par namak chhi.Dakaa
aap se ko_ii puchhe tum ne kyaa mazaa paayaa

Read More